دعوتك يمه

دعوتك يمه لانويتي تصلين ..
لا تحرميني دعوة)ن( منك يمه..

يمه ولدك بهم ويحتاج تدعين
إدعي عسى الله يفرج اليوم همه ..

يا يمه حالي لوعرفتيه تبكين ..
احفر بقبري ضيم وارجع ادمه ..

دعوتك يمه تجلي الحزن والبين ..
وتشيل لوعة وقت ما فيه ذمه ..

يمه لا شفتي وشهو حالي بتدرين ..
تدرين بأنك في حياتي مهمه ..

تدرين لامن غبتي في آش تسوين ..
وشلون تحيا الروح منك بضمه ..

وشلون دمع العين بمفارق العين ..
وشهو حنان الأم لمفارق أمه ..

أرجوك صاح الشوق يرجي تردين ..
ماغير شوفك شال ضيمه وغمه ..

يمه طلبتك كل مرة تصلين ..
إدعي لولدك فراق حزنه وهمه ..