نورة

لا صوت يغني عنك ولا تفيد صورة
ما يبرن الاوجاع لامن سريتي

وش حيلتي بالبدر لا شفت نوره
لا صرت اهذري فيك وفجأة اختفيتي

اصيح نورة والصدى يرد نورة
ابسط جنوني فيك لا من طريتي

يا لهفة المشتاق ورغبة شعوره
يشبهني المسحور لا من بطيتي

ان ماوصلك علم منتي معذورة
على غيابن به عذابي قويتي

كل ما أقول الحال زانت أموره
لا والله ماهو زين وصدي نويتي

ان ما حيالك قلب وأعلن حظوره
ابقى بصراع الموت لو ما دريتي

الروح تهوى روح وان شفت صورة
ما ترد لهفة روح لامن سريتي