صمتك

لا تقتليني في سكوتك وصمتك
الصمت لون دنيتي بالرمادي

لون يعتم منظرن به رسمتك
وانا بنورك كنت ادور مرادي

يمكن فهمتك حتى لو ما فهمتك
انا ادري ان الصمت ماهو اعتيادي

احتار وكلي شك يمكن ظلمتك
ولا جرحتك في خطا كان عادي

ليه السكوت وبالسوالف عشمتك
اخاف بالحب معك قصر فؤادي

يابسمة شفتك بسمتي وابتسمتك
ولا حداد الصمت يفرض حدادي

يله يافرصة عمر لي واغتنمتك
ابغا السوالف منك وشبكة ايادي

احكي يا علي هيتس انا ما عدمتك
لان السكوت اسباب ضيعة سدادي