الخوة

الخوة خوة والفعايل فعايل
والفزعة فزعة والحمية حمية

بالضيق تظهر ماتجي بالسهايل
ويعرف كلن لا توازى خوية

وانا اشهد انك من جمعت الخصايل
بين بوقت الضيق فعلك عليه

بالطيب شفتك واثبتتك الجمايل
لين انحسبلك ألف معروف فيه

وادركت مثلك بالمراجل قلايل
وانك تساوي بالرجاجيل مية

رجلن وعندك بالمواقف صمايل
ياحي منهو مثلك يا حي حية

حيثك خويي لا غدا الوقت مايل
أرفع له القبوع وتضرب تحية