زمان الاعور

بندر تشوف الوصع الي اشوفه
لاحظت مثلي ولاباقي للحين

زمان بارد وجه وماابيخ وصوفه
زمان اعور عين وياقوها عين

همه لزابك غصب تقدر تعوفه
عفته وحاله شين وعود على الشين

يضحك وناسي كل سوايا كفوفه
ضحكة وراها في قفانا سكاكين

مليت اطارد يا ابو عيسى واحوفه
زمان خدع ولا يعرف القوانين

يهون عنده وقت يسرق ضيوفه
حتى عقيق الام عنده غدا زين

كلب الاوادم ما يحشم ولوفه
حيشا الكلابة عنه بالطبع وافين

جبان وطبع الجبن يسكن بجوفه
جبنان وماله بالشجاعة ميادين

زمان و عمرك فيه ذنب وحسوفه
به الخيانه ساس وساسه ملاعين

ما يملك إلا هي و صارت سيوفه
هي الوحيده فيها ما يملك إثنين

تمشي تطوف انذال عجزت تطوفه
مهما تخون الناس عنده ولاشين

لان الخيانة وصف تكتب حروفه
وصفه بجملة خان كل القريبين

بالاصل عدوه من حشاه محذوفة
جرعة بدمه تجري بين الشرايين

فيروس وماله اي وقاية معروفه
نطفة مخلوقة منه فكرة وتكوين

زمان اعور طبع كلن يشوفه
شفته يابندر شوف هالعين والعين