ضايق الصدر

والي خلقني ضايق الصدر ومهموم
لولا المعيبة لانثر الدمع واصيح

يا الله طلبتك اشرح اقليب مكتوم
اطيح واجبر خطوتي وارجع اطيح

يالله دخيلك طالبك خير مقسوم
عبدك تعذب واكتفى هم وتجريح

ضاقت علي وابتدت تسبدي اتزوم
غلطة بغلطة تنتظر حل تصحيح

يا ناصر افهم شي ماهو بمفهوم
انسان وسوس وابتدا جرحه يسيح

تعال نبني حلم ضايع ومهدوم
تعبت اصلح مانفع فيه تصليح

غريق وما اعرف لا سباحة ولا عوم
عطني يدينك قبل جثة وتشريح

الناس حولي ترمي ابجسمي اسهوم
لبيب مثلك ما يبي شرح وتوضيح

ايام عدت مافي اسود من اليوم
جيتك لحالك باقي الناس بقريح

اوضاعي قشرة وصفها حيل معدوم
إشعور خالن مانفع فيها تسريح

الراس مابه لازقارة ولا قضوم
سودة وعتمة ما تسنع بتفتيح

محدن ظلمني لكن الحال مظلوم
لا جيت المح ما قبل وصف تلميح

لابوك دنيا صافية لشلة ارخوم
استغفر الله ما احلل ولا ابيح

والي خلقني كلي اوجاع وهموم
لولا الفضيحة امزع الثوب واصيح