يا ابن الطنايا

يابن الطنايا ارفق بحال مغبون
تسبده يتواقد بالمراره لهبها

مافيه رجل)ن( يقبل الذل والهون
لاتلوم راس)ن( لاتضايق كتبها

ماشفت شي)ن( شوفه يشيب عيون
اشيا محسوبه واشيا محد)ن( حسبها

وشلون ابشرح خافي الجرح وشلون
نيراني شبت والمشاعر حطبها

ماكل دمعة تثبت احساس محزون
ولاكل ضحكة تستقر بعربها

لفت ودارت مابقا شي مدفون
مافيه كثري في حياته شربها

كانو قبايل بالعزاوي يتعزوون
ضلت شريدة زين تمسك نسبها

تسمع شيبانك بالمراجل يعدون
بامجاد قوم)ن( بالطنايا لقبها

راحت وعدت وابتدا وقتك يخون
جتك الليالي مستهيمة بعجبها

اصل)ن( ماكانو يوم كانو يكنون
والحين صاروا للذيابة شنبها

لوكنت صاحي املك احساس مجنون
قمت اتقلب في زمان)ن( قلبها

حنتوشي شعره في خفاياه مضمون
من وهج روح)ن( مستميتة بتعبها