مواطن حب

ماهو تجافي لاقطعت اتصالك
اسعى لحلمن غايته شوف عيناك

صحيح اقصر ياحياتي بوصالك
لكن بقلبي ساكنن جعلي افداك

بالعين صورة فيها راسم خيالك
لا اغمضت رمشي اتغنى بروياك

الفكر سارح فيك وياما سرالك
سرابي كلي لين يوقف بلقياك

مافيه ليلة كود وسوس وجالك
تنشف عروقه شوق ضامي ويرواك

مشتاق وشوقي ماتصوره بالك
كني غريق السيل يصرخ من إهلاك

يعني اشوفك شاطي انقاذ هالك
الضرف موجي والتلاقي بمرساك

يا اعظم مدينة حب واغلا الممالك
وانا مواطن حب ماتراجع عن إحماك

ارتاح ومابغى ينشغل وسع بالك
انت بحياتي مافي انسان يسواك