ما كنت اخبرك

ماكنت اخبرك هيتس لكنك اصبحت
تقطع وصالي عقب وصلن خبرته

كنت الطبيب وصرت جرحي وجرحت
كنت الحياة وصرت قبرن حفرته

خربت بيتن كنت في امسه اصلحت
اصلحت لكن جيت وبيدك خربته

كنت السعادة وفرح في شوفه افرحت
صرت النكادة يوم جيت وكدرته

الناس ترقى وانت تنزل الى تحت
موقعك قمة بس اشوفك خسرته

تطيح وكنك دمع عيني الى طحت
دمعن ولاهو بأي موقف نثرته

الا بموقف لا نثرته به ارتحت
دمعن بغير العز ما اذكر قهرته

وش له نجاحك كان بالغصب نجحت
عد اختبارك الي امس اختبرته

فرصة اخيرة لجل خوتنا اسنحت
اما النهاية ولا قلبك عذرته