لجلك حياتي

المعذرة ياصاح لو صار تقصير
غصبن علي البعد ماهو بديني

ما ارضى تجيلك بالمحبة تكادير
لجلك حياتي ولجلك اخلص حنيني

هذا غرامي ومنك احتاج تقدير
افهم شعوري وراعي الحب فيني

يكفي تغلي وشرح شوق ومعاذير
افهم شعورك وادري انك تبيني

منك العتاب ومني عذرن وتبرير
ونبضة خفوقي وافقت دمع عيني

راجع قرارك مااحتمل زود تأخير
يااجمل حياتي واحلا شي بسنيني

ادري زعلت ومني اليوم تقصير
غصبن علي البعد ماهو بيديني