يمه دخيلك

يمه دخيلك لا سألتي عن الحال
شالي بقول وعن عيونك تغربت

يمه اعذريني لا غدى الدمع سيال
لاني بدونك انطويت وتعذبت

وشلون وعينك ماتهنى بها البال
احلم بشوف عيون عنها تغيبت

يمه سكنت بهم وجاورت غربال
والزاد علقم والمرارة تشربت

جوري ربوع والثلاثة به اهوال
بالجمعة ابكي واتضيم من السبت

ياشين يومي عنك ويا شينك ليال
اجني ذنوب لوقت ظالم ولا اذنبت

والحزن طبعي والجسد صار معتال
سعدي جهلته واصعب الضيق جربت

والليل الاسود يذبح العين لا طال
والنور خافت عن عيوني وشيبت

والله قليلة ان قلت شاقي ومعتال
يمه لا قلت بخير بالحال كذبت

مدري شقول وحالتي صعب تنقال
ما طاب جرح بغربتي لو تطيبت

سؤال وليتك تكرميني بالسؤال
ماكنت ابشكي لو سألتي وجاوبت