طول غيابه

الغايب اللي عيوني شوق تبكيله
طول غيابه وانا زادت غرابيلي

اربع ليالي ولا هي بس هالليله
ياليل نوحي من غيابه ويا ليلي

ياويل حالي من اوجاعه ياويله
ياويل عيني من افراقه وياويلي

لله بدعي سلامة روح وادعيله
ابكي وليته على فرقاي يبكيلي

لاغاب منهو تحبه حيل شالحيله
ماعاد يرسل ولا جاته مراسيلي

ياليت اشوفه بثالث عيد وابديله
عن لوعة البعد ابحكيله ويحكيلي

قالوا مذله لغير الله تشكيله
قات المعزة اذا اشكيله ويشكيلي

ياليت يرجع ودمعة شوق بهديله
لامن لقيته انا زالت غرابيلي