ياليل وش حيلتك

الليل اظلم بي ولا شفت مرساي
عقب السكون الريح شد بهبوبه

تتصافق الامواج وعيا بي الراي
ما ادري بشمال الدرب ولا بحنوبه

يلعبي التفكير لا رايح او جاي
ياحالة المنجوم اثرك عقوبة

امشي ولا ادري وين اخرة ممشاي
عيب البحر غدار وبانت عيونه

ارجي شروق الشمس ويا طول رجاوي
تاقفبي اللحظات عجز وصعوبة

مير البلا لا شفت اغيوم بسماي
عز الله الصدمات ماهي محسوبة

كاني عطشت الماي في داخل الماي
ماي البحر ما يفيد كثرة شروبه

متحيل بآمال صبري من شقاي
لين انوسم بالوجه ياس وشحوبه

ياليل وش حيلتك يا كيد بلواي
مايمدي التكفير ولا تفيد توبة

اظلمت في مسراي وضيعت مرساي
اجني ذنوبك في ويل وعقوبة