لا يا غريبة

يامن رجعتي لي من بعد غيبه
توك ذكرتي حب من بعد نسيان

ظنك حضورك باقي فيه هيبه
وإني متولع فيك ولا زلت شفقان

لا تحسبين الحال الأول حبيبه
حالي تغير وآنتهت ذيك الأزمان

صرتي غريبه عقب ما إنتي قريبه
وشلون أبذكر حب لا جاه نكران

أنكرتي صدق إحساس قلبي وطيبه
وأنا عطيتك حب حطمه حرمان

كنتي مرآد الشوق وجالك نصيبه
كنتي حياة إنسان في ماضي إنسان

وأصبحتي ذكرى في حياتي مريبه
وأكذب عليك إن قلت ماني بندمان

مع السلامه شوفي غيري ألعبيبه
منهو يحسب الحب لعبته خسران

البعد نعمه لي وأبغى أهتني به
خليني أفرح مكتفي منك أحزان

فرقاك عيد القلب وشوفك مصيبه
وإن جيتي شان الحال وفي غيبتك زان

لا يا غريبة حال منتي حبيبه
يامن ذكرتي من بعد طول نسيان