احساس راعي

يالي ظنونك من زقارة وتدخين
الحمد لله ما هو حلمي زقارة

ما كنت اشوفك بين عشرة مساجين
لاني رفعتك عن مكان الحقارة

ما كنت ابشكي يوم عني تصدين
المر فيني وزدت روحي مرارة

يوم)ن( رفضت اجلوس كرسي محبين
حفظا لقلب وعز عشقة وقاره

يومك جمعتي حب مابين شخصين
ماجلس بكرسي ماوصلني قراره

لا قلت احبك صرتي فيها تغلين
وانا شريت الحب ماهي طراره

ماكنت اشوف غير وردة بساتين
عذرا ولكن غير كل العذاره

ما هو بكيفك تسحريني وتصدين
تعالي فيني شي جدد مساره

نفسي عزيزة ما اترضا تذلين
للذات عزة باختصرها بعبارة

الله يسهل دربك إل وين تبغين
احساس راعي يوم ضيع حماره