حبك معاي

ان كان حبك لي وش لك من الناس
انا احبك و اترك الناس عنك

ان كنت باقي لي شكرا ولا باس
ابقى احب بحب فيني ومنك

وان كنت لجل الغير دقيت الاجراس
يخيب ظني فيك لو صاب ظنك

ادري تحب وتمتلك رقة احساس
يرضيك شي واشياء هن يزعلنك

وانا متملك قلب ما يعرف الياس
تبعد واسوي اشياء لي قربنك

الحب فوق الغير ومن فوق الاجناس
وانا عشقتك دون انسك وجنك

حياك وابقى غاية لقلب حساس
شف المشاعر من غلاها عطنك

اصون راع الحب وحبه على الراس
مجنون وشاعر له عواطف يبنك

عنده قرينن به سعادة من اتعاس
من كثر هوس الراس هوسه يجنك

يسكن بوادي ساكنه فيه هوجاس
من ابو نوخ الساس ساسه متفنك

مجنون وربعي يوم تزعل لها اهواس
لامن زعلنا ابعدي حيل لانك

ما ارضى تذوق مر ربعي من الكاس
ما ارضى ردود الفعل لي يشملنك

نزعل لراس ولا رضينا له براس
مليون راس وعلمهن يوصلنك

وانا يا عشق الروح سارح بوسواس
فيني وساوس حلم ماظن خفنك

من فوق حلم الحب اشعلت نبراس
يضوي شموع الغد وفيني ضونك

وان كان رحتي والهوى جاله انعاس
يسعدك منامك فيه وسعده يحنك

امان ربي معك ما ابعلن افلاس
رصيد وقت العمر سعره يثمنك

حبك ثمين الساس ما ارخص الساس
ما خاب ظني فيك وان خاب ظنك

حبك معاي وباقي الناس للناس
منك يعيش الحب وموتته منك