أي والله تبطي

يالجمعة الي تبغا تطمر على السبت
لك احترامك وانا ليا احترامي

اي والله تبطي مهما مني تقربت
مثلي سراب ومثلك انسان ضامي

انا بلادك مهما عني تغربت
لي السلام ولك رد السلامي

اي والله باقي وانت للحين ما تبت
وانا ما خلص بالمحبة كلامي

هذي حقايق لو بعدت وتهربت
يا زين دمعك في بهو ابتسامي

ابغيك تعرف وش غيابي الا غبت
والحين قربك مايناسب مقامي

لا تحسب انك في عذابي تعذبت
هذا جنيته من فعولن قدامي

هقيت خير وطيب منك و خيبت
حرامي كنت وصرت لجلك حرامي

لا كنت اشرق رحت عني وغربت
حاولت احزم مير منت بحزامي

خلك تجرب شي بالامس جربت
مابين طعن الرمح ورمية سهامي

والجمعة مثلك ماتلفت لها السبت
جدي كليب وانطح الي امامي